قصيده فى حب الغاليه مصر

بحبك يا مصر0
بكل عزة وكل فخر
وكوخ الطين فى ارضك
احلى من الف قصر
رغم الظلم اللى فيكى
هاطير يا مصر واجيكى
واللى بيحصل فيكى
محصلش فى عصر
من صغرى حبك فى قلبى
ونايم فى اللفة جنبى
انتى ابنى وبنتى وصاحبى
وفى مرة ضحكوا عليا
ووشوت الودع
وقالولى مصر شابة
قلتلهم وانا الجدع
كنت صغير وواعى
وحبك مالى دماغى
لو ينقطع دراعى
ما انسى حبك يا مصر
بحبك يا زهرة
فى قلبى منورة
واسمك فى بقى
حتة سكرة
واللى هانوكى
هم اللى خانوكى
وهمه اللى جابوكى
فى الاخر من وره
الناس عرفو الحكاية
من الاول للنهايه
سرقوا سنيننا اللى فاتت
وبنهبوا النهاردة
وعيونهم ع اللى جايه
اصحى يا مصر كفايه
اصحى يا مصر كفايه
اصحى يا مصر كفايه
يا ناس ياللى هنا
من سبعتلاف سنة
تعرفوا نجوم السما
واخر جدعنه
والصابر اللى فيكم
بقى اخر عكننه
بقول لدول ودول
واكلم ابو الهول
من سبعتلاف سنة
وانت قاعد هنا
بيقولوا عليك بتحرس
وعامل ابكم واخرس
دول همه سكتوك
ولو تتباع باعوك
امال امك وابوك
هربوا وراحو فين
مناخيرك كسروها
وخدوها و باعوها
ولو طالوا راسك قطعوها
واحلفلك براس ابوها
ومصر اللى خربوها
لامسح عارك بايدى
وعيدك يبقى عيدى
والحرة مصر تيجى
ونهتف تحيا مصر
وعرفنا اللى هانوكى
وعرفنا اللى خانوكى
وحلفت براس ابويا
وحلفت براس ابوكى
لحفر فى ارضك قبر
واكتب على الرخامة
هنا دفنت القهر
وانادى فى البلاد
واجمع كل الولاد
ولا خوف من استبداد
ولا نقبل استعباد
ولا نرضى الاستبعاد
واكتب على النتيجة
ده هو يوم النصر
قولوا انشا الله وتعالوا
معايا يا اهل مصر
بحبكم جميعا وبحبك يامصر

تسلم ايدك يا ابو خلاف يا غالى على الكلام الحلو ده

تحياتى ليك وتقبل مرورى

اخى ابو اسلام وشرفتنى بمرور العطر المبارك

» قصيده عن الموت
» قصيده ابكت كل البنات
» قصيده لزين العابدين على بن الحسين(من هو الغريب)
» قصيده عن (مولد الهادى) بمناسبه مولد النبى صلى الله عليه وسلم