منتديات سوهاج
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات سوهاج


 
الرئيسيةبوابة سوهاجأحدث الصورالتسجيلدخول

تم بحمد الله تعالى إفتتاح شبكة سوهاج الإلكترونية على الروابط التالية :


 

 أحمد يحاول أن ينتحر

اذهب الى الأسفل 
4 مشترك
كاتب الموضوعرسالة
sara
سوهاجي مشارك
سوهاجي مشارك
sara


الجنس : انثى
تاريخ الميلاد : 22/12/1996
السن : 27
الهواية / العمل : طالبة
المزاج : رايق
تاريخ التسجيل : 30/06/2010
عدد المساهمات : 70
نقاط : 92
السٌّمعَة : 4

أحمد يحاول أن ينتحر Empty
مُساهمةموضوع: أحمد يحاول أن ينتحر   أحمد يحاول أن ينتحر I_icon_minitimeالجمعة يوليو 09, 2010 2:17 am

المكان: كافيتريا يجلس بهامجموعة من الناس مختلفى الأعمار يشاهدون مبارة كرة قدم بين الفريق الأخضر و الفريق الأزرق
الفريق الأزرق يحرز هدفاً فيهلل جميع المشاهدين ماعدا أحمد الذى يجلس ساكناً
أحمد يخرج سكيناً من جيبه ويضعه على رقبته متأهباً لأن ينتحر
الشخص الذى يجلس خلفه : كابتن ياللى حتنتحر أيدك والنبى علشان فيه ناس وراك بتتفرج عالماتش
أحمد : أسف جداً
الشخص يناوله زجاجة سم : بُص لو عايز تنتحر فى هدوء مفيش أجدع من السم
أحمد : بس الصراحة أنا عايز أنتحر بالسكينة
الشخص : خلاص براحتك , بس ياريت تخليها بين الشوطين فى الرواقة أحسن
"بين الشوطين"
أحمد يضع السكينة على رقبته و يتأهب للأنتحار
الجرسون يجرى ناحية أحمد : أيه اللى بتعمله ده يا أستاذ
أحمد يرتبك ويخفض السكينة : أنا كنت أأأأأأأ
الجرسون : كنت عايز تنتحر من غير ما تدفع الحساب , ماهو مش كل يوم واحد ينتحر علشان يزوغ من الحساب
يناوله أحمد الحساب و يرفع السكينة مرة أخرى إلى عنقه متأهباً للأنتحار
الجرسون : لحظة واحدة يا أستاذ , تعالى يا على حُط خرقة تحت الأستاذ علشان الأرض ما تتوسخش من الدم
أحمد يرفع السكين ويتأهب للأنتحار
الشخص الجالس بجانبه : يرفع اليد اليسرى لأحمد ينظر للساعة ثم يخفضها" فاضل لسه 5 دقائق عالشوط التانى
الشخص الجالس بجانبه من الناحية الأخرى : لو فيها رذالة بس يا أستاذ , ممكن الموبايل بتاع حضرتك ,أنا شايف إنك مش حتحاجه
بعد كده
أحمد يومىء له برأسه أن يأخذه, محتفظاً بالسكينة على رقبته
نفس الشخص: تُشكر يا باشا إلا بقى لو كُنت عايزه علشان تصور الناس فى جهنم
يضحك جميع الجالسين ضحكات إستفزازية
يبدأ الشوط الثانى
أحمد يحكم مسكته للسكين ناوياً البدء فى التنفيذ
أحمد : ماشى يا كلاب محدش فيكم حتى كلف خاطره يسألنى أنا عايز أنتحر ليه
فرصة ضائعة للفريق الأزرق يهلل معها المتفرجون متجاهلين أحمد تماماً
أحمد يردد بصوت عالى : ماشى يا كلاب أنا حانتحر أهوه و أستريح منكم وأريحكم منى
أحد المتفرجين : حتنتحر ليه يعنى؟؟ أكيد مش لاقى شغل
شخص أخر : أو حبيتك سابتك
شخص أخر : تعبت من الظلم و الفساد اللى حواليك
شخص أخر : مش لاقى هدف تعيش ليه
أحد المتفرجين : يا أستاذ الإنتحار ده بقى شىء عادى جداً , عايز تنتحر إنتحر فى أدب و صمت
يدخل الجرسون ومعه شخص أخر يرتدى بدلة سوداء
الجرسون : هوة ده يا سعادة الباشا اللى عايز ينتحر
الرجل : إنت عايز تنتحر ؟؟؟؟؟؟
أحمد : اه
الرجل : ممكن تورينى إذن الأنتحار اللى معاك
أحمد يخرج له ورقة من جيبه و يعطيها للرجل الذى يقرأها بسرعة ثم ينظر لأحمد فى غضب
الرجل : مكتوب فى الورقة دى إنك قدمت طلب بالإنتحار و إتوافق عليها من الجهة المختصة بالإنتحار فى المنطقة اللى إنت ساكن فيه , ومكتوب كمان إنك كنت المفروض كنت حتنط من فوق عمارتكم الساعة 12 الضهر
أحمد : مظبوط
الرجل فى عصبية شديدة : وطالما هو مظبوط ليه مالتزمتش بالكلام اللى إنت قولته , ولا هو كلام عيال و السلام
لأ و جاى تنتحر بالسكينة فى كافيتريا , و تشوشر عالناس اللى بيتفرجوا عالماتش , أيه يا أخى الوساخة اللى فى دمكم دى
أحمد فى خجل شديد : أنا أسف جداً
الرجل فى عصبية شديدة : أسف أيه ونيلة أيه , ده ذنب الدولة اللى بتساعدكم إن إنتوا تنتحروا فى سلام من غير ما حد يرذل عليكم أو يمنعكم , و تعب الناس اللى راح اللى قعدوا طول الليل ينضفوا فى السطح الوسخ بتاعكم ويحطولك ورد علشان تنتحر ونفسك مفتوحة
أحمد يحنى رأسه فى خجل : أنا أسف جداً , بس الصراحة أنا غيرت رأيى فى أخر لحظات ولقيت إن الأنتحار بالسكينة أروش
الرجل لا يزال مستمر فى عصبيته : والتذاكر اللى إتباعت للناس اللى حتتفرج عليك و إنت بتنتحر و إضطرينا نرجع فلوسها لأصحابها , خربت بيتنا يا أخى
يطبطب الجرسون على كتف الرجل : حقك عليا يا أستاذ إمسحها فيا المرة ديا
الرجل : يا أخى خلاص الناس مبقاش عندها لا زمة ولا ضمير , طالما مش قد الإنتحار ماتضيعوش وقتنا بقى عالفاضى جاتكم الهما
" الفريق الأخضر يحرز هدفا يهلل الجميع فى فرح بينما أحمد ينسحب خارجاً فى صمت
الرجوع الى أعلى الصفحة اذهب الى الأسفل
محمد محمود فراج بربر
سوهاجي مشارك
سوهاجي مشارك
محمد محمود فراج بربر


المزاج : الحمد لله على كل حال ونعوذ بالله من حال اهل النار
تاريخ التسجيل : 03/06/2010
عدد المساهمات : 274
نقاط : 423
السٌّمعَة : 1

أحمد يحاول أن ينتحر Empty
مُساهمةموضوع: رد: أحمد يحاول أن ينتحر   أحمد يحاول أن ينتحر I_icon_minitimeالجمعة يوليو 09, 2010 6:48 am

ههههههههههههههه
الرجوع الى أعلى الصفحة اذهب الى الأسفل
ادفاوية
سوهاجي مشارك
سوهاجي مشارك
ادفاوية


الجنس : انثى
محل الإقامة : بيتي
الهواية / العمل : تصميم الازياء و الاكسسوارات
المزاج : متفاءلة
تاريخ التسجيل : 13/06/2010
عدد المساهمات : 262
نقاط : 341
السٌّمعَة : 4

أحمد يحاول أن ينتحر Empty
مُساهمةموضوع: رد: أحمد يحاول أن ينتحر   أحمد يحاول أن ينتحر I_icon_minitimeالجمعة يوليو 09, 2010 12:32 pm

يا سلام
يعني بعد كل ده يخرج من غير ما ينتحر
دا ايه الواد البارد دا
الرجوع الى أعلى الصفحة اذهب الى الأسفل
karem
سوهاجي مشارك
سوهاجي مشارك
karem


الجنس : ذكر
تاريخ الميلاد : 01/01/1991
السن : 33
محل الإقامة : برج الزغاليل وعروس النيل
الهواية / العمل : الكتابه و الشعر
المزاج : الحمد لله
تاريخ التسجيل : 18/05/2010
عدد المساهمات : 96
نقاط : 118
السٌّمعَة : 0

أحمد يحاول أن ينتحر Empty
مُساهمةموضوع: رد: أحمد يحاول أن ينتحر   أحمد يحاول أن ينتحر I_icon_minitimeالثلاثاء يوليو 13, 2010 12:00 pm

انا مش فاهم حاجه خالص
ممكن حد يفهمنى
الرجوع الى أعلى الصفحة اذهب الى الأسفل
 
أحمد يحاول أن ينتحر
الرجوع الى أعلى الصفحة 
صفحة 1 من اصل 1
 مواضيع مماثلة
-
» يفصل رأس والدته بمنجل الحصاد ثم ينتحر!!
» باسم من‮ ‬يتحدث أحمد عز؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
» اصحى يا مصر للشاعر: أحمد فؤاد نجم
» الفقيه أحمد بن عبدالله بن محمود بن أبى تليح
» علماء يكتشفون مخلوقات جديدة ((أ / إبراهيم علي أحمد أبو عسكر ))

صلاحيات هذا المنتدى:لاتستطيع الرد على المواضيع في هذا المنتدى
منتديات سوهاج :: المندرة السوهاجية :: اضحك كركر-
انتقل الى: