ماذ تفعل لو كنتَ رئيسا للبلاد

اخى السوهاجى :السلام عليكم ورحمة الله
احيانا نسمع فى الجلسات والمسامرات وعلى القهاوى وغيرها
الكلام فى السياسة والرئاسة والحكومة وافعالها وماذا عملت ومن ظلمت ومن ومن وهكذا
اخى الحبيب الشاب السوهاجى جئت اليك اليوم ببشرى انك ووليتَ ونصبت رئيسا للبلاد
فماذا تفعل ؟؟؟
هذا سؤال يجب ان ترد علية باقتراحاتك وسياستك واهدافك لحل مشكلات البطالة والمجاعة والسياسة الخارجية والداخلية والصناعة والزراعة والمواصلات والسياحة والماليات والتعليم و.و. كل ذلك فى مسئوليتك ايها الرئيس الفاضل فاعرض مقترحاتك واهدافك بكل شجاعة وكل صراحة ربما تصل اقتراحاتك الى من يهمة الامر فتفيد المجتمع وتحل مشاكل البلاد والبطالة وغيرها
والان اليك الميكروفون وكلنا اذان صاغية وقلوب راضية وصدور رحبة
اتفضل سيدى

ملحوظة:على الاخوة اخذ الموضوع بجدية وعدم

الاساءة والسخرية الى المسئولين رجاءاأ نكون جادين

السلام عليكم أخي ابو حجي

أنا الزعيم

أنا اولا هقضي بمشيئة الله تعالى على البطاله ده اول شيء طبعاً وأتمنى خطي إذا وقعت تحت يد أحد المسؤولين تنفيذها ولا اسأله إلا الدعاء لي ولوالدي ولك

أهداف الخطة :
1- القضاء على البطالة .
2- القضاء على التكدس السكاني .
3- حماية الرقعة الزراعية من الزحف السكاني.
4- القضاء على مشكلة التسول والتشرد .
5- القضاء على العنوسة .
4- القضاء على الإدمان.
6- خلق جيل محب للوطن ، ولأخيه المواطن.

الخطة
طبعا الخطة تبدأ بالنشىء ، يعني إعادة هيكلة التعليم ، ونبدأ من الحضانة والإبتدائية نبدأ بتدريس التلاميذ وتعليمهم وكل تلمذ له طموح نحقق له طموحة (مثلا المخترع نؤهله ليكون مخترع ، والطبيب والمهندس كذلك ...الخ)

في فترة الإعدادية تبدأ في تقسيم التخصصات حسب ما بنينا عليه معلوماتنا عن التلميذ في الإبتدائة ، وطبعا توضع مناهج علميه تناسب كل مستوى .

في فترة الثانوية وهي الفتره الفاصلة

ألاحظ في مدارس التعليم الفني إهدار كبير في الأموال ، بسبب العملي للطلبه وبعد ذلك يقومون بإتلاف ما قاموا بفعله
لماذا لم آخذ هؤلاء الطلبة إلى مسرح فعلي للعملي ؟

مثلا لنأخذ مثلا التعليم الفني الصناعي

بدلا من أن يقوم الطلبه ببناء المباني وعمل الأعمدة الخرسانية وهدمها لماذا لم نأخذهم إلى مسح فعلي بإشراف مدرسيم وبإشراف طلبه مثلهم من كليات الهندسة وينفذوا مباني فعليه في الصحراء ، طبعا طلبة الهندسة بإشراف مدرسيهم كذلك .

في هذه اللحظة نقلنا المدارس من الحيز السكاني إلى الصحراء سنحتاج إلى مواصلات ، وطبعا هذه المواصلات سيقوم بها طبله آخرون بإشراف مدرسيهم .

سنحتاج لصيانه معدات سواء سيارات أو معدات البناء ، سيقوم أيضا أقسام الميكانيا بذلك .
أكيد ستحدث إصابات ، سيقوم الفريق الطبي من الطلبة بإشراف ملعميهم بهذه المهمة .
سنحتاج إلى مطاعم ، لسد حاجة الطلبة ستقوم الأقسام المخصصة بإعداد ذلك في مطابخ المدرسة .
سنحتاج إلى ملابس سيتولاها القسم المختص .
سنحتاج إلى زراعة ن ومزارع ، طبعا قسم الزراعة موجود.
هذا بالنسبة للناحية الفنية

عارفك يا عم أبو حجي هتسألني طب والناس اللى عايزة الحاجات النظرية زي المحاميين والسياسيين والصحفيين وغيرهم ؟
طبعا مش هننساهم أكيد ستوضع خطه لذلك ، وسيدربون على أرض الواقع

ده شرح مبسط لإعادة هيكله التعليم ، ولو صلح التعليم ، وبالطريقة دي بالذات فأبشروا بجيل يتحدى العالم من ناحية الخبرة والكفاءة ، ولو كل مدرسة وفرتلها شقة سكنية في السنة شوف هيكون عندنا كام شقة ، ولو كل طالب زراعي وفر رغيف خبز يوميا شوف هيكون عندنا كام مخزون ، ومش هقلك مصانع ولا معامل طبيه ولا اي حاجة تخطر في بالك .
يعني يا عم ابو حجي سنه واحدة وهتلاقي مصر بقت فل الفل .

سؤال تاني ، ومنين الفلوس لكل اللى انتى بتقوله ده ؟
اقلك يا عم ابو حجي ، هي الفلوس مدفوعة مدفوعة يعني لكل مدرسة ليها ميزانيه ولكل جامعه كذلك وأنت ادرى طبعا ، وبدال ما نتعب على الحاجة ونتلفها ولا نروح نتدرب على حاجات قديمة ونفك ونركب فيها كل يوم ليه ما يكنش على الحقيقه بحيث ترد علينا كل المشاكل .

سؤال تاني وخلاص :
ايه علاقة اللى انت قلتله بأهداف الخطة اللى انت عارضها في اول الموضوع ؟
كترت أسألتك بس انا برضه لازم استحمل أني الريس ولو انا ما استحملتش مين هيستحمل ؟
شوف يا سسيدي مشكلة التكدس انا إن شاء الله المدن اللى هتعملها الطلبة وكل حاجة مش هتم في وسط البلد لا على الصحرا يا باشا وبكده حلينا مشكلة التكدس داخل المدن ، وطبعا هنوفر شقق سكنية فيها وبكل الكماليات وبكده هيته الشباب للكسن في المدن الجديدة وكمان أسعارها هتون مش عاليه بالدرجة حتى لو جابت تكاليفها إهنا اللى كسبانين (في ودنك كسبانين رضا شعبنا عنا بس ما تقلش لحد).

أما مشكلة البطاله فأنا هنتج جيل متقن لعمله ، وكمان المدارس مش هتقتصر على الناس اللى فيها يعني ممكن عمي محمد الميكانيكي يجي ويتوظف في المدرسة وهنفتح ورش منها هيعلم الطلبة وهيلاقي ورشة يشتغل فيها براتب ، وطبعا الورش دي مش هتكون مقتصرة على معدات التعليم بس لا طبعا ممكن اي حد من بره يجي يصلح فيها كمان ، وهيكون فيه خزينه ومحاسبين سواء طلبه او خريجين (ده مثل بس يا عم ابو حجب وقس على ذلك اي حاجة تخطر في بالك)

أما بالنسبة لحماية الرقعة الزراعية فأنا قلتلك هنروح الصحرا يعني ما فيش حد هيكون محتج طبعا انه يبني لان تكاليف البنا هتكون نفسها ويمكن هتكون اقل فطبعا هيتجه للمدن الجديدة .

بالنسبة للتسول والتشرد ، فطبعاً هيكون الباب مفتوح لأي حد يتعلم ، ومفوتح لأي حد يشتغل فمش هتلاقي طبعا متسول لانه لو لقي مسكن ولقي شغلانه ولو براتب ضعيف مش هيفكر انه يتسول .

العنوسة ، دلوقتي مشكلة الشباب في الشقة وأهنا وفرنا شقق كتير وبرخص التراب ، وكمان وفرنا حاجات تاني كثير ، زي مستشفيات رمزية الأجر ، ومواصلات وشغل يعني كل الشباب هيتجوز ، وأنا أولهم هههههههههههه.

والإدمان ، ليه المدمن بيدمن (الإدمان ده على اي حاجه سواء مخدرات أو إنترنت أو تدخين أو حتى مدمن يشم في رجليه ) لانه عاطل وهو لقي اللى يشغله ، ويجي آخر الليل مهدود وعايز ينام علشان يقدر يكمل المسيرة تاني يوم فمفيش فرصه انه يشرب ، أو يسهر زيي على النت (مع إني انا شغال بالنهار)

أما بالنسبة لحبه للوطن دا يبقى ما عندهوش دم إذا ما حبش الوطن بعد كده ، وأخيه المواطن هيكون فيه تعاون بين كل المصالح ، وكل واحد هيكون مشغول في عمله زي خلية النحل بالضبط ، يعني ما فيش مجال ان الواحد يعمل مشاكل مع اي حد .

فيه حاجات تاني كتير بس دي نظره مصغره جداً على خطة لو وضعت ستحتاج إلى عشر سنوات لدراستها وتطبيقها ، وهذا أقل شيء في إعتقادي

في النهايه أتقدم بكل شكري للأخ أبو حجي اللى خلاني رئيس وانا قاعد على الكرسي قدام شاشة الكمبيوتر وأسرح بخيال بعيد المنال

تقبل مروري يا غالي

مع احترامى للمسئولين
***
الكلام للعضو المرشح رئيسا
سيدى :اسال الله عز وجل ان يوفقك فى عملك هذا لما فية مصلحه البلاد
الا انى لى استفسار بسيط واستاذن حضراتكم فى عرضة عليكم
الحمد لله رب العالمين :اولا سيادتكم ذكرتم البطالة
ثم التكدس السكانى ثم حماية الرقعة السكنية
ثم القضاء على مشكلة التسول
ثم القضاء على العنوسة ثم القضاء على الادمان
ثم خلق جيل جديد محب للوطن وهذا الاخير سنؤخرة لوقتة
سيدى الفاضل :نعم كل ذلك جميل وفية صلاح حال البلاد ولكن
من اين لنا بالموارد المالية التى تساهم فى انجاح هذة الخطة
اسمح لى سيدى ان البداية من التلاميذ امر يطول فنحن لسنا فى صحراء جرداء
ولكن علينا انقاذ ما يمكن انقاذة حتى نسوى الارض التى سيزرعها ابنائنا وليكملوا ما بدئناة
فالاولى علينا نحن الجيل الاول ان نبحث عن موارد محلية وصناعات محلية ومشاريع محلية ومحاصيل
زراعية من جهد ابناء بلدنا الحبيبة واتقان العمل فيها بهمة الرجال واخلاص المؤمنين ونزع الانانية والانتهازية ولنعمل للمصلحة العامة للبلد لتكون منتجاتنا من اجود المنتجات فى العالم ليتسابق عليها المستثمرين فى العالم لشرائها بالعملات الصعبة التى تساهم فى تقدم البلد وشراء الاجهزة الحديثة وهذا ان كان فى صناعاتنا سيكون افضل واوفر .وهذا سيدى غير المنشات الطبيعية مثل الكهرباء . القناة وغيرها
فلا بد ان نهتم بها اولا حتى يكون لدينا ما نقوم بة انفسنا ثم نبدأ بهذة المشاكل
اشكرك سيدى على حسن الاستماع
ولنبدأ بحل مشكلة الصناعة اولا : الاسباب التى اخرت الصناعة لدينا
واهم المنتجات التى يكون عليها الطلب اكثر
وفقكم الله لما فية الخير لبلدنا الحبيبة

» ماذا تفعل ؟
» ماذا تفعل لو سقط جوالك فى الماء