اذا ضاقت عليك الدنيا اتصل على هذا الرقم

فى الحقيقة انا نقلتها من منتدى خارجى باكتب فيه بعد ايام قليلة من موضوع سى حصل معاى
الموضوع دا فعلا ضايق الواحد بشكل عجيب قعدت افكر اعمل ايه اعمل ايه وطبعا ملناش ملجا الا الله سبحانه وتعالى قمت توضيت وصليت ركعتين وقعدت ادعى ادعى ادعى
لو قلتلك انه العالم كله توقف عشان الدعاء اللى انا دعيته مش هتصدق بس دى حقيقة حصلت لى من فترة قريبة ومش بعيدة
ربنا فعلا كبير كبير كبير واكرم الاكرمين والجواد على عباده والرزاق الحليم
مهما يغلط العبد اذا تاب ورجع الى ربه بصدق نية استجاب له الله
وهقولك موقف حصل لى من سنين
كان اخوى تعب فى السعودية قوى قوى واضطر يدخل مستشفى ويقعد فيها فترة
وانت عارف علاجات المستشفيات وتكالفها هناك اد ايه وخصوصا لو مفيش تامين وكمان لما الكفيل يبيعك بيعة وسخة
وسبحان الله مكنش معاى فلوس وكتير قوى اتخلو عنى بشكل موصفلكش لكن وعهد الله كانت ولا تفرق مع الواحد ابدا لدرجة انه اصحابى كانو يتجنو من تماسكى اللى انا فيه دا
وكان الموضوع كله ثقة بالله انه مش ممكن يضيعنى او يحوجنى لحد ويوم ما كانت تزنق قوى قوى قوى اصلى فى الجامع اللى جنب المشتفى ركعتين مش هتصدق لو اقولك انه فى دقايق موضوع كان يتحل والمبلغ اللى انا محتاجه يجى من سبب ربنا سببه لى والحمد لله الايام دى عدت على خير