سبحان الله
يا جماعه ده يمكن عنده 25 سنة
امال عمكم احمد عابدين من قرية عنيبس من جهينة اللى اتجوز الاسبوع اللى فات عنده 105 سنه هيعمل ايه
اكيد عايز صيدليه
ههههههههههههههههه
على فكره كل الحاجه دي عامل نفسي لا اكثر ولا اقل جرب ادي اي واحد حبة ريفو وقله هتعمل معاك احلى شغل شوف يقلك ايه بعد ما ياخدها بس ما تعرفهوش انها ريفو .
واقلكم موقف حصل معايا ايام الجامعه
كنت ساكن انا وشباب من القريه في اسيوط ، وكان واحد تحتنا فاتح محل البان وكل يوم ينصب علينا ويقول انا بسكر وانا بشرب حشيش ولسه عامل دماغ .
فقلت للشباب تعالوا نستلمه الليله بس مين شاف الافيون ولا الحشيش قبل كده واحد قلى انا شفته قلتله هو يشبه ايه قلي يشبه الصلصال اللى في المكتبه وممكن نختار الوان من الصلصال(الصلصال طين لمون بيستخدموه في عمل اشكال وخاصة كلية فنون جميلة) (انا مش فاكر قلى على الحشيش ولا الافيون) المهم رحنا وجبنا حته بـ 50 قرش وناديت صاحبنا بتاع المحل قلتله تعالى انا لسه جاي من البلد وجايبلك هديه
الراجل قفل المحل وطلع عندنا وريتهالو انهبل ، وجبتها ازاي، دي كبيره قلتله يا عم انت ما لكش دخل ،بس اشتري قلي دي تعمل 500 جنيه قلتله لا انا عايز 300 وانت ليك الباقي
قال اهنا نسهر الاول قلتله ماشي روح هات شيشه واللى تشربوه منهاعلى حسابي ومش هاخد تمنه منك راح الراجل جاب شيشه من القهوة اللى جنبنا ومعسل وجاب عشا وظبط الدنيا وقفلنا الشبابيك على انه سهره بجد
عملنا الفحم وجينا نحط الصلصال عمل دخانه كتير ، طب نحط ايه يغيرله طعم المعسل اكيد هو عارفه فحطينا( قرفه مع المعسل)
بدأ يشرب واهنا ما فيش ولا واحد فينا بشرب معسل ولا سجاير بقينا كل واحد يشد نص نفس وهيموت ويرجعهالو تاني والراجل ايه بدا يضحك بشكل هستري وينام على الارض وعينه غمضت على انه فعلا اتصطل وفضل على الحال ده اكثر من ساعه وهو يشرب ويضحك وبعد ما طلع علشان يمشي بقى يخبط في الحيط وعايز حد يسنده وكان هيقع من على السلم واهنا ميتين عليه من الضحك
تاني يوم جاي يقلي هات الباقي علشان اشتريه منك، والله انا عملت دماغ عمري ما عملتها في حياتي قلتله عارف اللى انت شربته ايه قلى اه عارفه بس ده شكله صنف جديد قلتله ايوه هو صنف جديد اسمه (قرفه الله يقرفك ).
وبعد ما قلتله برضه مش مصدق انها كانت قرفه اللى شربها ومصمم يشتري الباقي
الخلاصة ان السكر والمنشطات الجنسية اغلبها وهم ليس الا
موضوع: وفاة عريس بسبب (الفياقرا).. ليلة الدخلة 
الأربعاء مارس 17, 2010 3:24 pm
وتقبلو مرورى
