اسعار العقارات ...في سوهاج

علي عكس الزميل JuSt SoMeOnE في الموضوع السابق وتحدثه عن افقر قري الصعيد
ياريت نتكلم عن الاراضي اسعارها في سوهاج
مثلا واحد ساكن في سوهاج المركز يقولنا معلومات عن المتر وصل بكام
سواء عند النادي البحري او طريق اخميم اوسوهاج ...او الكوبري الجديد
ااو غيرها

كمان مين يا جماعة سجل في القرعة بتاعة ابني بيتك
وهل صحيح تكلفة بناء الدور الاول ب35 الف

اولا ما تعرفوش؟

ايه ده ولا واحد يعرف معلومات

امال بتحكوا في ايه؟
انتوا فاكريني معايا فلوس
بس ده موضوع يهم كل المغتربييييييييييييييييييييييييييييييييييييييييييييييييييييييييين

اولا ميرسى خالص على التوبيك ده
ثانيا اسمحيلى اقول انى مش زميل يا سبانش فلور لانى لما دخلت المنتدى دخلته على اساس اسرة كلنا فيها اخوة على امل انى الاقى اخوة واخوات ليا
ثالثا بقى انا مش هاقول انى لما اافكر اتجوز بقى وياريت نركز على كلمة لما دى :x يبقى بعد حوالى 5000 سنة :( ياما بقى الاقى واحدة طيبة ترضى بالحال ونبنى عشة صغيرة مع بعض
وبكده اكون رديت على سؤالك عن سعر المتر لاان انا ساكن فى منطقة عربى الاطاولة جوه وتحديدا فى العزبة والعرب وتعتبر منطقة بعيدة خالص عن الطريق الرئيسى والمتر عندنا ب3 الاف جنيه فما بالك على الخط الرئيسى او عند النادى البحرى توصل لاكتر من 10 الاف جنيه
يبقى ارضى بالعشة الصغيرة وخلاص ولا انا غلطان بس ياريت اطول العشة الصغيرة دى :( لاانها نعمة والله
ارجو تقبل مرورى

اخي وزميلي برضه JuSt SoMeOnE
حد جاب سيرة جواز في الموضوع .....احنا بس لازم نكون بنعرف اللي بيحصل حواليا الدنيا بتجري ازاي قربنا نقع ولا لا

ومع ذلك انت بروحك الطيبة دي حتلاقي نت بروح قنوعة تسكن معاك وساعتها مش حتكون عشة ...لان لسه بدري اوي ........ده اذا كنت فعلا 18 سنة

ومع ذلك انت قلت لي معلومه ما كنتش اعرفها عن سعر المتر في عرب الا طاولة .....مش جايز يكون في تالت بيقرا الموضوع ده يهمه يعرف حاجة عن المنطقة دي

في مغتربيين سوهاجيين كتير بره سوهاج وفي كتير اوي بره مصر معرفش علي بعض كملوا 2 مليون مغترب او لا
بس ياريت الناس تاخدوه بجديه
حتي لو واحد عاوز يعرض شقته للبيع ممكن يعرضها
و

وهكذا

ولقد تقبلنا مروركم يا فندم :flower:

السلام عليكم يا جماعة

انتو زعلانين ليه

والله انا حاسس أنها هتروق وهتبقى فل

بس يا أخي JuSt SoMeOnE

أختنا SpaNish FloWer

واخده الموضوع بجديه

وأنا ما عمديش الإمكانيه أنى أرد عليها لأن أصلا مش عايش في مصر فعلشان كده ما أعرفش الأسعار

أنا أعرف الأسعار بس عندنا في إدفا وصل المتر من 1500 جنيه إلى 3500 جنيه حسب مكان الأرض نفسها وفيه أرخص وفيه أغلى طبعاً

أما موضوع سوهاج أفقر محافظة أنا لسه ما قريتهوش هقراه والرد يكون فيه

تحياتي لكم يا شباب

وإن شاء الله JuSt SoMeOnE هتتجوز وفي شقه مش عشه خلي عندك أمل الدنيا لسه بخير

تحياتي لكم

السلام عليكم ياجماعه الخير
فعلا الارض فى سوهاج وفى القرى المجاوره
وصل الى حد الجنون
يعنى وصل القيراط على طريق مدخل ** ا د فا ** 180 الف جنيه
بس يالى زعلان أنا عندى ارض وسط نجع الغوانم معروضه للبيع
والسعر ولا فى الخيال
الشارع 6.5 وكهرباء وماء وهاتف
واجهه بحريه
للمهتمين فقط
هههههههههههههههههههه

لووووووووووووووووووووووووووول
ايه يا جماعة انا مش زعلان ولا حاجة وايه اللى هايزعلنى
وتسلم يا واجدى انت واخى على على كلامكم الكريم بس انا وربنا تانى مش زعلان ولا حاجة
ويا سبانش فلور انتى بجد اللى روحك طيبة اوى
(...ده اذا كنت فعلا 18 سنة.....)
وتسلمى بجد على ذوقك وثقتك الكريمة بيا
ارجو تقبل مرورى

والله يا جماعه الارض ولعت بس هنعمل ايه بس المتر مش بعشر الاف جنيه يا عم انتى ليه هتسكن فى بيت المحافظ

هااااااااااااااااااى منتدى سوهاج : اسعار العقارات ...في سوهاج 908658

ً لزيارتك انه كلامى مش كتير
فى عقار للبيع يمساحه 204 متر فى مكان مميز جدا فى دمخل سوهاج
العنوان/شارح الجرجاويه الغربى عقار رقم 1 بجوار صيدليه الشعب
للاستعلام اتصل بنا على 0102379702
:تحياتي وتقديري

السلام عليكم ورحمه الله وبركاته جميعا احب اعرفكم ان سعر المتر على طريق سوهاج اخميم الرئيسي وصل عشره الاف جنيه والداخلي من 3000 الى 6000 واسعار الشقق ع الطوب الاحمر سعر المتر 2500 جنيه في الابراج اما المساكن العاديه وصل 2000 الى 3000 حسب المواصفات وسعر المتر في الكورنيش الجديد الرئيسي ايضا من 7000 الى 10000 والاخلي من 3000 الى 5000 ومحدش يزعل مني هو ده سعر العقارات في سوهاج بس اللي يتفرج بس ببلاش شوفتو ا الحياه حلوه ازاي تحياتي للجميع

سعر المتر فى سوهاج المدينة وصل 4000 جنية وتعتبر سوهاج اعلى محافظات مصر لصغر مساحتها وزيادة عددالسكان انا من مركزسوهاج نفسة ولدية استثمارت عقارية لكن فى القاهرة واتمنى انا اجد ارض مساحة 1000 متر فى المحافظة لاقامة ثلاث ابراج لكن الاسعار غير مشجعة عكس القاهرة حتى الرقعة الزراعية ارتفعت اسعارها بشكل جنونى والحل هو توسعة المد فى الجبل الشرقى والغربى وايصال الخدمات له جميع الخدمات بالاضافة الى تسهيل وتزليل العقبات من امام المستثمرين والتسريع بتشغيل المطار الجديد يعنى انا رجل اعمال وعندى التزام فى القاهرة اواسكندرية كيف اضيع 8 او6 ساعات سفر الى سوهاج بصراحة مشكلة

» شكر لمحافظ سوهاج، و لرابطة أبناء سوهاج العاملين بالكويت
» اطلب المساعدة في معرفة اسعار سما للطيران من جده لاسيوط
» إنشاء أوتوستراد يربط مدينتى سوهاج الأم وسوهاج الجديدة وياريت الي عندة معلومات عن سوهاج الجديدة يحطها هنا؟
» خبر هام لابناء سوهاج
» كيف تبحث عن نسبك( بطريقة اسهل)