مدارسنا ابنائنا الى اين المطاف

بسم الله الرحمن الرحيم
السلام عليكم ورحمة الله وبركاتة
ارسل نداء الى محافظ سوهاج / السيد اللواء محسن النعمانى
والى كل المسئولين بمحافظة سوهاج واعلم انة سيصل اليهم واعرض
عليهم من منتدى ابناء سوهاج هذة الظواهر فى مدارسنا
اولا :بالنسبة للمدرسين من المدرسين من يحصل على اجازة
سواء اعتيادية او مرضية عافانا وايهم الله وهذا حقهم القانونى
ولكن يتأثر ذلك على التلاميذ فى دروسهم حيث ان مدير المدرسة يجعل
احتياطى حصة هذا المدرس الى مشرف ومن الطبيعى المشرف ليس بمدرس
لهذة المادة حتى يكمل غياب ذلك المدرس فينتج ذلك عن تاخر التلاميذ فى المادة وإذا
عاد المدرس ( يكروت ماسبق) ولا يهتم بشرح الدروس السابقة لماذا لا يكون البديل الاحتياطى مدرس لنفس المادة حتى يكمل ما بداة زميلة
ثانياً :لا نتكلم عن التاخر فى المواعيد بل الامر الاسوأ وهذة ظاهرة موجودة وهو التوقيع فى دفتر الحضور والانصراف وبعد ساعة لا نرى هذا المدرس او المشرف وإذا سالنا يقولوا فى عملة
(فى مشروعة)ربنا يسهلة خلية ياكل عيش لماذا اليس عمل الحكومة او المدرسة اكل عيش اليس هذا عمل نتقاضى علية الاجر والادهى من ذلك (سمعت والله اعلم )والحجة على الراوى ان هناك مديرى مدارس بيمضوا للمدرسين وما يشوفش وشه لاخر الشهر مقابل الله اعلم الله اعلم دا انا سامع حكاوى ولا اظن السوء بياخد مبلغ من المال اخر الشهر طبعا حتى لا نظن السوء المدير بيبيض بيها المدرسة وبيجيب سندوتشات للتلاميذ الفقيرة والايتام ياحرام الله يكون فى عونة بيشغل المدرسين برة علشان يصرف على الغلابة الله يكون فى عونة دا انا سامع
ثالثا :العمال اللى بتسهر لتحرس المدرسة بالليل سهران طوووووووووووووول الليل ماسك البندقية ويقول ميين هنااااااااااااااااااك بيحمى مال الدولة الله يكون فى عونة كالجندى فى المعركة بس سمعنا عن حالات سرقة وتخريب بالليل لا حرام ينظلم فيها هذا الرجل صااااااااحب عيال اقولكم مشووها لا تبلغوا الشرطة وما تودوش الراجل فى داهية صحيح اهل معروف ويتلعن ابو الدولة ومال الدولة علشان صاحبنا كان سهران بيحضر نور الشريف فى التمثيلية بيتكلم عن الاصول فى سوهاج وفى العويسات مسكين هذا العامل
رابعاً :التطوير التكنولوجى المسئولين عن حجرة التطوير بيجيب التلاميذ ويقعدهم بالعافية على الاجهزة بالعافية وياعينى ولدة او بنتة ما يرضى يدخلهم يقولهم هذا حق المدرسة لا استعملها لغرضى الخاص فية البركة الراجل والدش شغااااااااااااااااااااال على القنوووووووووووات التعلييييييمية وهات يا قنوات يا تعليمية والعيال زهقت من القنووووات التعلييييييييمية ولما ييجى مدرس ودا يا اخوانا مابيحصلش دا انا باخترف عايز يتفرج على مسلسل او فيلم او رق... استغفر الله يقولهم بتاع التطوير لا دا مكان محتررررررررررررررررم دا مكااااااااان التلاميذ
وقس على ذلك المكتبة اللى طلعت علمااء وهاتخرج علمااااااااااااااااااااااااء من تحت ايدى مسئولى المكتبات وللعلم مسئول التطوير او المكتبة راجل صالح ولابس ابيض فى ابيض والابتسامة داييييييييييييييماً على وشة وهات يا ابتسامات للتلامييذ يا سلام على الادب وللعلم لا يلفظوا الالفاظ السيئة للتلاميذ كالالفاظ القبيحة مثل يا ابن الكلب ولا يا بن الوس.............. لا لا دا مابيحصلش وتنطرش ودانى لو انا قلت غيركدة ويخرس لسانى
خامساً :ولا اقولك بلاش نجيب سيرة الافاضل خلينا فى حالنا وما خفى كان اعظم فى الامتحانات مسرح للامانة والمراقبة الجادة مافيش مدرس ولا ولى امر يدخل الامتحانات نهاااااااااااااااائى طبعا المراقب واقفلهم بره ياب اللجنة وهااات يا مراقبة يقدر ولى امر يتنفس يطردة برة اهم حاجة مايعملش صوت .اسف ياخوانا انا غلطت انا قلت ولى الامر ما يدخلش
وتيجى النتيجة فى اخر العام نشوف اولياء الاموووووووووووووور بتستنى النتيجة يلاقوا اولادهم ناجحيييين وهااااااات يا نجاااااااااح المجموع كام يقراوا ارقام خيالية نتيجة مبهرة والاستاذ العامل هو اللى بيقرأها علشان ياخد الجنية للعلم العامل واخد محو امية ويفرح الجميع بولدهم اللى جايب 000000001.هذا هو المجموع هو احنا لاقيين اصفار
وماخفى كان اعظم يابلد الحضارة والتقدم يابلد اكثر رجال الارض حضارة وتقدم بناه الاهرام وبلد النيل العظيم وبلد اللاصول وبلد المبادئ والقيم الى اين يذهب اولادنا الى اين يذهب اكبادنا اين ما صرفة الوالدين طوال العام وحرموا انفسهم من ملذات الدنيا وفى الاخر يقولوا
(العيب من الولد )مظلوم ُبنى لقد ضيعناك باطماعنا ضيعناك باهمالنا
ويجعلة عامر دايماً والامور مستتبة والامضاءات سليمة من الموجهين
المتابعين الصرح متين يا فندم؟
واخيرا اتوجة بالشكر للسيد المحافظ لقراءتة مقالى
وكذلك لاخوانى الاحبة فى منتديات السوهاجية
وكل من يقرا المقال
انتظر ردودكم البناءة ربما يكون الخير
فى كلماتنا ولا نعلم

طبعا انا اضم صوتي لصوت اخي ابو حجي

فلي اخ سنه الآن 21 سنة كان في الثانوية الأزهريه ، وكان ولله الحمد في الابتدائي متفوق علي وعلى اخوتي كلهم

ولما الوالد جزاه الله خير يبدأ في مراجعة الدروس لنا ، وكان يشترط دائما كل من يخطأ يتضرب من أخوه أو اخته ، وأخي هذا كان دايما اللى بيضربنا نظراً لذكائه الحاد وقوه ذاكرته

راح يا سيدي الإعدادي بدأ الإهتمام يقل من المدرسين وبدأ مستواه يتراجع بسيط

دخل الثانويه تعقد من المدسه ، لا دروس ، ولا انتظام من المدرسين ، ومدرس كان دايما يقلهم انتو ايه اللى جايبكم هما اللى تعلموا اخدوا ايه انا طول النهار بنبح في صوتي ( سامع يا عم ابو حجي بينبح في صوته ) وباخد ملاليم .

بالله عليك يا أستاذ يا محترم ما دام انت مش راضي على وظيفتك ايه اللى مشغلك فيها ، ومدام رضيت واشتغلت وظروفك جبرتك على كدا ليه تحبط تلاميذك

كان النتيجه ان اكثر من (50%) من الفصل مسافة ما وصلوا لثالثه ثانوي تركوا الدراسة ومن ضمنهم أخي هذا وشغال سواق

إذا كان يرضي المحافظ أسلوب المدرسين في المدارس يبقى بلاش نعلم الاولاد من البدايه وخليهم كل واحد ياخد صنعه افضل على الاقل يتعلمها هو وصغير مسافة ما يكبر هيكون اتفنها بدال ما يتعلمها وهو وكبير

يا سيادة المحافظ ، محافظتنا تعتبر من اولى المحافظات التي تشتهر بعماله الأطفال

لماذا؟

هل الوالد لا يستطيع ان يلبي احتياجات ابنائه ( الحمد لله ولاد الحلال كتار قوي وخاصة في بلدنا وما بيتأخروش مع أي حد محتاج والدليل ان محافظة سوهاج نسبة التسول فيها منعدمه مع ان الاحصائيات تفيد انها من افقر المحافظات).

اتمنى ان لا اكون اطلت عليكم

وتقلوا خالص تحياتي

بارك الله فيك اخى الكريم والله كثير وكثير فى المدارس والمصالح
بيحصل فيها مالا يرضى الاله ولكنى اختصرت لعدم الحرج
واسال الله عز وجل ان يصل هذا الكلام الى السيد اللواء محافظ سوهاج للحفاظ
على بلدنا سوهاج وابنائنا
جزاك الله خيرا