صينيـــــــــــــة البطاطس بالسجق أو (السدق)

المقـــــــــــــادير
ـــــــــــــــــــــــــــ

ربع ك سجق 4وحدات بطاطس متوسطة
1بصلة مفرومة نصف كوب عصير طماطم
فلفلة خضرا 3ملاعق زيت
2ملعقة صلصة ملح ,فلفل,شطة

الطريقـــــــــــــــة
ـــــــــــــــــــــــ
نضع الزيت فى صينية الفرن ونضعها على النار
نضيف البصل ونحمره حتى يدبل
ثم الطماطم والصلصة ونتركه حتى يتسبك
نضيف السجق للصلصة بعد تقطيعة
ثم نضيف البطاطس بعد تحضيرها وتقشيرها وغسلها وتقطيعها حلقات
ثم الفلفل الاخضر والملح والفلفل الاسمر والشطة
نضع الصينية فى الفرن حتى تمام النضج

ثم يقدم مع الارز الابيض وسلطة خضـــــــــــــــرا
وبالهنا والشفــــــــــــــــــــــــــــــــا...............

ضاعت عناوينى مشكوره

على الصينيه الجميله

وصحتين وعافيه

ضاعت عناوينها مشكورة
بس بسراحه انا مبحبش ادخل هنا كتير
لانى مفتقد الاكل دا والاكل البيتى عامة
وبكدا ممكن اسيب شغلى وارجع سوهاج
ههههههه
تحياتى

الف هنا وشفا يا ريس

الاستـــــــــــا ذ وجدى
صينيـــــــــــــة البطاطس بالسجق أو (السدق) 908658

لمرورك نورت المطبخ

الاستــــــــا ذ المراغى
متسبش شغلك انت تكتب العنوان وأبعتلك ديليفرى
نورت وربنا يسعدك

الاستــــــــــــا ذJUBA
أكيــــــــد الاكل عجبك نورتنى .و صينيـــــــــــــة البطاطس بالسجق أو (السدق) 908658

لمرورك

مش عارف اقول اية ياست بس ياريت تمسكى قسم الاسرة والمطبخ شوفى اخوانك اغلبهم فى الغربة ومحتجينك اكل المطاعم ذبحنا احكيلك حكاية مرة رحت عند على عياط فى الرياض وفى اليوم دا كان على راجع من الشغل يعنى مطحون وكان صايم هو وجماعة من بحرى طبعا كرم السوهاجية انتى عارفة طبعنا المهم على حلف لازم ناكل وطبيعى ديليفرى فراخ و كبسة المشكلة انى لا احب الفرخ نهائى زعل على علشان ميعرفش انى مابحبش الفراخ هنا الدجاج
بيقولو عليها صدم على لكن حلوة الموضوع وفرحتى بشوف على كانت اكبر ووعدنى ان العزومة هتكون فى البلد يعنى لو فى وحدة زيك فى المنتدى تدينة وتعلمنة بعض الطبخات السريعة كان على مجبش ديليفرى شفتى احنا فى اشد الحاجة ليكى بقا لى عشرين سنة باكل
ديليفرى
مش بس انا كل المتغربين بس ربنا كرمنى بدكتور اسمة قطب استاذ طبيخ بس مشكلتة بيعقم الاكل وبزلنى علشان موضوع الطبيخ ممكن تمسكى هذا القسم هتعملى فينا اكبر اجر او حتى تنزلى كل يوم اكلة بس من المطبخ السوهاجى مش عوزين ايطالى او هندى وتقبلى فائق احترامى

اختي ضاعت عناويني تسلم ايدك وبالهنا والشفا لكل الشباب

ويريت تلبي طلب الاستاذ اشرف فعلا اللى ملاحظاه ان كل الناس هنا بره البلد وأغلبهم عزاب

وعلى فكره انا مشغوله شويه اليومين دول هو اللى مش مخليني متابعه كويس وان شاء الله هتلاقيني معاكي كل يوم

نسيت لأقلك عارفه لو عود نعناع وسطهم الصنيه هتجنن بطعمها جربوها وقولولي ايه رأيكم

والله عندك حق يا استاذ اشرف

يلا يا اخت ضاعت عناويني شدي حيلك معانا علشان لو أ اشرف جه تاني اطبخله في السكن

بعد ما طلع عيني اكتر من ساعه مشوار وطابور علشان اجيب الاكل وطلع ما بياكلش الفراخ بس انا مش هنساهالك المفروض تنبهني علشان اعمل حسابي

يلا حصل خير

وشاوري نفسك اختي ضاعت عناويني علشان افتحلك الاشراف على القسم ده ، وانا هجرب الطبخة بتاعتك دي ان شاء الله انهارده رايح المول وهجيب سجق معايا وهجرب كلام الشقرا وعارفه يا شقرا لو تعبت انتي اللى هتبقي جانيه على نفسك علشان اول مره اعرف ان النعناع بيتحط في الاكل

تحياتي للجميع