ايه يا إدفاوية انتي زعلانه ليه من الشباب بيمزحو معاكي خلي بالك واسع
على العموم يا ستي انا هقلك موقفين واحد محرج وواحد مضحك
الاول المحرج
كتير جداً لما بمزح واهزر مع اطفال صغيرين وتلاقيهم يضحكو في البدايه وفجأه تلاقي الطفل يعيط مره واحده وبصوت جامد كان الواحد قتله ، وتلاقي امه ايه عايزه تدبحنى ده كان اخرها قريب كنت في زياره لصاحبي وحصل نفس الموقف امه تفتكر اني ضربته وجت تجري مع انها ما بتخرجش قدام اي حد غريب كان موقف محرج جدا وانا علشان اطلع من الموقف ما رضتش امشي وقعدت عندهم اكتر من نص ساعه بعد الموقف كانت النص ساعه كأنها يومين .
خلوا بالكم وما حدش يلعب مع العيال الصغيرة
الموقف المضحك
لما كنا طلبة في الجامعه كانت اكتر فتره كانت بتحصل فيها المواقف المضحكة لانا كنا بندرس في اسيوط وكنا مستأجرين سكن وعيشة شباب كنا اول ما نبدأ الضحك ما حدش يعرف يذاكر
مره كنت عايز اعمل رز بلبن قلت للشباب انا عايز اعملكم رز بلبن على الفطار فوافقو وجابو كيلوا رز و2 كيلواللبن وانا عامل نفسي طبعا الشيف وهات يا ابني اغسل الرز وحطت الكيلو كله في الحله بعد اللبن ما غلي كانت ملى الحلة ، وبدأ يا ستي الرز يزيد وانا اشيل منه وارمي في الزباله وشرب الرز اللبن كله واجيب ميه وازود لحد ما زهقت ، جبت حله اكبر ومليتها ميه ووحطيت الرز كله فيها وسبتها .
طبعا الشباب كل واحد مجهز طبق وملعقة منتظرين كل واحد في غرفته لحد الشيف ما يخلص .
انا خلص طبعا انتوا عارفين النتيجة هتكونالطبخة شكلها ايه ولا أشهى
المهم طلعت علشان اعلن انتهاء الطبحخة ودخل كل واحد بالطبق بتاعه والاقي فيه اتفاق سري علي اني اكل الطبخة كلها انا والمساعد بتاعي وأفطرهم على حسابي واول ما قلت لا عينكم ما تشوف الا النور كل واحد سحب الحزام وهات يا ضرب وكتفوني انا والمساعد واكلونا الاكل كله بالضرب .
اوعى حد يتدبس في طبخة رز تاني علشان ما يتضربش
الصراحة كانت ايام حلوة ،
يا إدفاوية فكرتينا بيها